ಸಿಂಧನೂರು: ಕಿರಣ ಸ್ವಸಹಾಯ ಸೌಹಾರ್ದ ಸಹಕಾರಿ ನಿ., ಸಿಂಧನೂರು ಇದರ ಸರ್ವ ಸದಸ್ಯರ ವಾರ್ಷಿಕ ಸಾಮಾನ್ಯ ಸಭೆ ಇತ್ತೀಚೆಗೆ ಅಧ್ಯಕ್ಷರಾದ ಮಂಜುಳಾ ಪಾಟೇಲ್ ಅವರ ಅಧ್ಯಕ್ಷತೆಯಲ್ಲಿ ನಡೆಯಿತು.
https://chat.whatsapp.com/FCEnlTkAKCC0MGPhXtX4i4
ಅಧ್ಯಕ್ಷರಾದ ಮಂಜುಳಾ ಪಾಟೇಲ್ ಮಾತನಾಡಿ, ಸಹಕಾರಿಯ ಅಭಿವೃದ್ಧಿಗೆ ನಿರಂತರ ಮಾರ್ಗದರ್ಶನ ಮಾಡಿದ ಸಹಕಾರ ಇಲಾಖೆ ಮತ್ತು ಲೆಕ್ಕಪರಿಶೋಧನೆ ಕೈಗೊಂಡ ಲೆಕ್ಕಪರಿಶೋಧಕರಿಗೆ ಹಾಗೂ ಸದಸ್ಯರಿಗೂ ಅಭಿನಂದನೆ ಸಲ್ಲಿಸಿದರು. ಸಹಕಾರಿಯು ಸದರಿ ಸಾಲಿನಲ್ಲಿ ರೂ.23,87,408 ಲಾಭ ಗಳಿಸಿದ್ದು ಸಮಯಕ್ಕೆ ಸರಿಯಾಗಿ ವಿವಿಧ ಸಾಲಗಳನ್ನು ಮರುಪಾವತಿ ಮಾಡಿದ ಸದಸ್ಯರಿಗೆ ಧನ್ಯವಾದ ತಿಳಿಸಿದರು. ಆಡಳಿತ ಮಂಡಳಿಯ ಉಪಾಧ್ಯಕ್ಷರಾದ ಅನ್ನಪೂರ್ಣಮ್ಮ ನಾಗರಬೆಂಚಿಯವರು ಸದಸ್ಯರಿಗೆ ಶೇರ್ ಲಾಭಾಂಶವಾಗಿ ಶೇಕಡಾ 16 ಡಿವಿಡೆಂಡ್ ಘೋಷಣೆ ಮಾಡಿದರು. ದೇವಿರಮ್ಮ ಮುಂಗಡ ಬಜೆಟ್ ಅನ್ನು ಮಂಡಿಸಿದರು. ಸಾಮಾನ್ಯ ಸಭೆಯಲ್ಲಿ ಭಾಗವಹಿಸಿದ ಕೆಲವು ಸದಸ್ಯರು ಸಲಹೆ ಸೂಚನೆ ನೀಡುವುದರ ಮೂಲಕ ಸಹಕಾರಿಯು ಇನ್ನು ಹೆಚ್ಚಿನ ಪ್ರಗತಿ ಸಾಧಿಸಬೇಕೆಂದು ತಿಳಿಸಿದರು. ಕಾರ್ಯಕ್ರಮದಲ್ಲಿ ನಿರ್ದೇಶಕರಾದ ನಾಗರತ್ನ ಬಂಗಾರ್ ಶೆಟ್ಟರ್, ಪುಷ್ಪಾವತಿ ಖಂಡಿಮಠ, ಪದ್ಮಾ ವಿ.ಸಿ ಪಾಟೀಲ್, ಕಾವ್ಯಾ ಮೇಟಿ, ನಂದಿನಿ ಜವಳಿ, ಹೇಮಲತಾ ಜೋಳದ ರಾಶಿ, ರೇಖಾ ವೆಂಕಟೇಶ್, ಶಿಲ್ಪಾ ಸಿದ್ದರಾಮೇಶ, ರೇಣುಕಾ ರಂಗಪ್ಪ, ಚಂದ್ರಮ್ಮ ರಾಮಣ್ಣ, ಮುಖ್ಯ ಕಾರ್ಯನಿರ್ವಾಹಕ ಮಲ್ಲನಗೌಡ ಪಿ. ಕಾರ್ಯಕ್ರಮದಲ್ಲಿ ಉಪಸ್ಥಿತರಿದ್ದರು.
