ಮೂಲಾಂಶ ಶೇ.50ರಷ್ಟು ಕಡಿತ, ಶೇ.೫.೫ ಇಳಿಕೆಯಾದ ರೆಪೋ ದರ
ನವದೆಹಲಿ: ಸತತ ಮೂರನೇ ಬಾರಿ ರೆಪೋ ದರ ಕಡಿತಗೊಳಿಸುವ ನಿರೀಕ್ಷೆ ಹುಟ್ಟಿಸಿದ್ದ ಭಾರತೀಯ ರಿಸರ್ವ್‌ ಬ್ಯಾಂಕ್‌(ಆರ್‌ಬಿಐ) ಬ್ಯಾಂಕ್‌ ಸಾಲಗಾರರಿಗೆ ಶುಭ ಸುದ್ದಿ ನೀಡಿದೆ. ದೇಶದ ಜಿಡಿಪಿಗೆ ಉತ್ತೇಜನ ನೀಡುವ ನಿಟ್ಟಿನಲ್ಲಿ ಆರ್‌ಬಿಐ ನಿರೀಕ್ಷೆಗೂ ಮೀರಿ ರೆಪೋ ದರದಲ್ಲಿ 50 ಮೂಲಾಂಶ ಕಡಿತ ಮಾಡಿದೆ.
https://chat.whatsapp.com/EbVKVnWB6rlHT1mWtsgbch
ರೆಪೋ ದರದಲ್ಲಿ ಶೇ.25ರಷ್ಟು ಕಡಿತ ಆಗಬಹುದು ಎಂಬ ನಿರೀಕ್ಷೆ ಇತ್ತು. ಆದರೆ ಆರ್‌ಬಿಐ ಶೇ.50 ಕಡಿತ ಮಾಡಿ ಅಚ್ಚರಿ ಹುಟ್ಟಿಸಿದೆ. ಜಿಡಿಪಿಯು ನಾಲ್ಕು ವರ್ಷದ ಕನಿಷ್ಠ ಮಟ್ಟ ಶೇ.6.5ಕ್ಕೆ ಕುಸಿದಿದ್ದ ಹಿನ್ನೆಲೆಯಲ್ಲಿ ಆರ್‌ಬಿಐ ಈ ಕ್ರಮ ತೆಗೆದುಕೊಂಡಿದೆ ಎಂದು ಹೇಳಲಾಗಿದೆ. ಆರ್‌ಬಿಐ ಶೇ.5.50ರಷ್ಟು ಪ್ರಮಾಣದಲ್ಲಿ ರೆಪೋ ದರ ಕಡಿತಗೊಳಿಸಿದ್ದರಿಂದ ಗೃಹ ಸಾಲಗಳು ಹಾಗೂ ಕಾರು ಸಾಲಗಳ ಬಡ್ಡಿ ಕಡಿಮೆಯಾಗುವ ಸಾಧ್ಯತೆಗಳಿವೆ. ಆರ್‌ಬಿಐ ಹಣಕಾಸು ನೀತಿ ಸಮಿತಿ(ಎಂಪಿಸಿ)ಯಲ್ಲಿ ಈ ನಿರ್ಧಾರ ಕೈಗೊಳ್ಳಲಾಗಿದೆ. ಸತತ ಮೂರನೇ ಬಾರಿ ಪ್ರಮುಖ ಬಡ್ಡಿ ದರಗಳನ್ನು ಕಡಿತ ಮಾಡಿರುವುದರಿಂದ ಸಾಲಗಾರರಿಗೆ ಸಾಕಷ್ಟು ನೆರವು ಲಭಿಸಲಿದೆ.
ಹಣದುಬ್ಬರವು ಶೇ.4ಕ್ಕಿಂತ ಕಡಿಮೆಯಾಗಿರುವುದು ಮತ್ತು ಅಮೆರಿಕದ ಸುಂಕ ನೀತಿಗಳಿಂದಾಗಿ ವ್ಯಾಪಾರದಲ್ಲಿ ಅನಿಶ್ಚಿತತೆಗಳು ಇರುವುದರಿಂದ, ಬೆಳವಣಿಗೆಯ ಪ್ರಮಾಣ ಹೆಚ್ಚಿಸಲು ಆರ್‌ಬಿಐ ಬಡ್ಡಿ ದರಗಳನ್ನು ತೀವ್ರವಾಗಿ ಕಡಿತಗೊಳಿಸಿದೆ. ಹಿಂದೆ ಎರಡು ಬಾರಿ ಬಡ್ಡಿ ದರಗಳನ್ನು 25 ಬೇಸಿಸ್ ಪಾಯಿಂಟ್‌ಗಳಷ್ಟು ಕಡಿತಗೊಳಿಸಿದ್ದ ಆರ್‌ಬಿಐ, ಇದೀಗ ಮೂರನೇ ಬಾರಿ ಬಡ್ಡಿ ದರಗಳನ್ನು ಕಡಿತಗೊಳಿಸಿರುವುದು ಉತ್ತಮ ಬೆಳವಣಿಗೆ ಎನ್ನಲಾಗುತ್ತಿದೆ.
ಆರ್‌ಬಿಐ ಘೋಷಣೆಗೆ ಅನುಗುಣವಾಗಿ, ಅನೇಕ ಬ್ಯಾಂಕ್‌ಗಳು ರೆಪೋ ಸಾಲ ದರಗಳು ಮತ್ತು ಎಂಸಿಎಲ್‌ಆರ್ ಅನ್ನು ತೀವ್ರವಾಗಿ ಕಡಿಮೆ ಮಾಡಿವೆ. ಮೂರನೇ ಬಾರಿ ರೆಪೋ ದರ ಕಡಿಮೆಯಾಗಿದ್ದರಿಂದ ಸಾಲಗಾರರಿಗೆ ದೊಡ್ಡ ರಿಲೀಫ್ ಸಿಕ್ಕಂತಾಗಿದೆ. ರೆಪೋ ದರ ಕುಸಿತಗೊಂಡ ಬೆನ್ನಲ್ಲೇ ಗೃಹ ಸಾಲ (ಹೋಮ್ ಲೋನ್) ಮತ್ತು ಕಾರು ಸಾಲದ ಮೇಲೆ ವಿಧಿಸಲಾದ ಇಎಂಐ ಕೂಡ ಕಡಿಮೆಯಾಗಲಿದೆ.
ನಿಮ್ಮ ಸಂಸ್ಥೆಗಳ ಸುದ್ದಿ ಪ್ರಕಟಣೆ ಮತ್ತು ಜಾಹೀರಾತಿಗಾಗಿ ಸಂಪರ್ಕಿಸಿ: 9901319694
ಇಮೇಲ್: sahakaraspandana@gmail.com