ಮಂಗಳೂರು: ವಿಶ್ವಕರ್ಮ ಸಹಕಾರ ಬ್ಯಾಂಕ್ ಲಿಮಿಟೆಡ್ ಐವತ್ತನೇ ವರ್ಷಾಚರಣೆಯ ಪ್ರಯುಕ್ತ ಹಮ್ಮಿಕೊಂಡಿರುವ ಸ್ವಚ್ಛ ಭಾರತ್ ಕಾರ್ಯಕ್ರಮವು ಅಕ್ಟೋಬರ್ 26ರಂದು ಭಾನುವಾರ ಬ್ಯಾಂಕಿನ ಉಜಿರೆ ಮತ್ತು ಮೆಲ್ಕಾರ್ ಶಾಖೆಗಳ ವತಿಯಿಂದ ನಡೆಯಲಿದೆ.
https://chat.whatsapp.com/JVAtKKe2M19AFO3W5629ZS?mode=ems_copy_t
ವಿಶ್ವಕರ್ಮ ಸಹಕಾರ ಬ್ಯಾಂಕಿನ ಈ ಎರಡು ಶಾಖೆಗಳ ವತಿಯಿಂದ ಸ್ವಚ್ಛತಾ ಕಾರ್ಯಕ್ರಮ ನಡೆಯಲಿದ್ದು ಬ್ಯಾಂಕಿನ ಹಿತೈಷಿಗಳು ಕಾರ್ಯಕ್ರಮದಲ್ಲಿ ಭಾಗವಹಿಸಬಹುದು. ಮೆಲ್ಕಾರ್ ಶಾಖೆಯ ವತಿಯಿಂದ ಉದ್ಘಾಟನಾ ಶ್ರಮದಾನವು ಪಾಣೆಮಂಗಳೂರಿನ ಶ್ರೀ ಸತ್ಯದೇವತಾ ಕಲ್ಲುರ್ಟಿ ದೈವಸ್ಥಾನ -ಮೊಗರ್ನಾಡು ರಸ್ತೆಯ ಪರಿಸರದಲ್ಲಿ ಬೆಳಗ್ಗೆ 7.30ರಿಂದ 9ರ ತನಕ ನಡೆಯಲಿದೆ. ಉಜಿರೆ ಶಾಖೆಯಲ್ಲಿ ಉದ್ಘಾಟನಾ ಸ್ವಚ್ಛತಾ ಶ್ರಮದಾನವು ಉಜಿರೆ ಸರ್ಕಲ್, ಬಸ್ ನಿಲ್ದಾಣ, ಎಸ್ಡಿಎಂ ಕಾಲೇಜು ರಸ್ತೆ ಹಾಗೂ ಬೆಳಾಲು ರಸ್ತೆ ಪರಿಸರದಲ್ಲಿ ಬೆಳಗ್ಗೆ 7.30ರಿಂದ 9ರ ತನಕ ನಡೆಯಲಿದೆ ಎಂದು ವಿಶ್ವಕರ್ಮ ಬ್ಯಾಂಕಿನ ಪ್ರಕಟಣೆ ತಿಳಿಸಿದೆ.