ಹಿಮಾಚಲ ಪ್ರದೇಶದಲ್ಲಿ ಹಾಲಿಗೆ ಬೆಂಬಲ ಬೆಲೆ ಘೋಷಣೆ

ಕನಿಷ್ಠ ಬೆಂಬಲ ಬೆಲೆ (MSP) ನೀಡುವ ಭಾರತದ ಮೊದಲ ರಾಜ್ಯವಾಗಿ ದಾಖಲು

ನವದೆಹಲಿ: ಮಹತ್ವದ ಬೆಳವಣಿಗೆಯೊಂದರಲ್ಲಿ ಹಿಮಾಚಲ ಪ್ರದೇಶ ರಾಜ್ಯವು ಹಾಲಿಗೆ ಕನಿಷ್ಠ ಬೆಂಬಲ ಬೆಲೆ (ಎಂಎಸ್‌ಪಿ) ನಿಗದಿಪಡಿಸಿದ್ದು ಇದನ್ನು ಜಾರಿಗೆ ತಂದ ಭಾರತದ ಮೊದಲ ರಾಜ್ಯವಾಗಿ ದಾಖಲಾಗಿದೆ.

https://chat.whatsapp.com/EbVKVnWB6rlHT1mWtsgbch
ಹಿಮಾಚಲ ಪ್ರದೇಶದ ಈ ಕ್ರಮ ಡೈರಿ ವಲಯದಲ್ಲಿ ಪರಿವರ್ತನಾತ್ಮಕ ಹೆಜ್ಜೆಗಳನ್ನು ದಾಖಲಿಸಲಿದೆ. ಕಳೆದ ಎರಡೂವರೆ ವರ್ಷಗಳಲ್ಲಿ, ರಾಜ್ಯ ಸರ್ಕಾರವು ಜಾನುವಾರು ಸಾಕುತ್ತಿರುವ ರೈತರನ್ನು ಉನ್ನತಿಗೇರಿಸಲು, ಡೈರಿ ಸಹಕಾರ ಸಂಘಗಳನ್ನು ಬಲಪಡಿಸಲು ಮತ್ತು ಸುಸ್ಥಿರ ಗ್ರಾಮೀಣ ಆರ್ಥಿಕತೆ ಸ್ಥಾಪಿಸಲು ವ್ಯಾಪಕವಾದ ಸುಧಾರಣಾ ಕ್ರಮಗಳನ್ನು ಜಾರಿಗೆ ತಂದಿದೆ.
ಹಿಮಾಚಲ ಪ್ರದೇಶದಲ್ಲಿ ಪ್ರಸ್ತುತ ಸುಮಾರು 38,400 ರೈತರು ಲೀಟರ್‌ಗೆ 51 ರೂ.ಗೆ ಪ್ರತಿದಿನ 2.25 ಲಕ್ಷ ಲೀಟರ್ ಹಸುವಿನ ಹಾಲನ್ನು ಪೂರೈಸುತ್ತಿದ್ದಾರೆ. 1,482 ಎಮ್ಮೆ ಸಾಕಣೆದಾರರು ಲೀಟರ್‌ಗೆ 61 ರೂ.ಗೆ 7,800 ಲೀಟರ್ ಕೊಡುಗೆ ನೀಡುತ್ತಾರೆ. ಪ್ರತಿ ಲೀಟರ್‌ಗೆ 70 ರೂ.ಗೆ ಪೈಲಟ್ ಆಧಾರದ ಮೇಲೆ ಮೇಕೆ ಹಾಲು ಸಂಗ್ರಹವೂ ಪ್ರಾರಂಭವಾಗಿದೆ. ಗುಡ್ಡಗಾಡು ಪ್ರದೇಶಗಳಲ್ಲಿ ಹಾಲಿನ ಪೂರೈಕೆ ಸರಾಗಗೊಳಿಸಲು, ಲೀಟರ್‌ ಹಾಲಿಗೆ ಎರಡು ರೂ ಸಾರಿಗೆ ಸಬ್ಸಿಡಿ ನೀಡಿ ಹಾಲು ಉತ್ಪಾದಕರನ್ನು ಬೆಂಬಲಿಸಲಾಗುತ್ತಿದೆ. ಇದರ ಜೊತೆಗೆ ರಾಜ್ಯದಲ್ಲಿ ಜಾರಿಯಲ್ಲಿರುವ ಹಿಮ ಗಂಗಾ ಯೋಜನೆಯ ಮೂಲಕ, 20 ಮಹಿಳಾ ನೇತೃತ್ವದ ಸಂಘಗಳು ಸೇರಿದಂತೆ 268 ಹೊಸ ಡೈರಿ ಸಹಕಾರ ಸಂಘಗಳನ್ನು ರಚಿಸಲಾಗಿದೆ.

ನಿಮ್ಮ ಸಂಸ್ಥೆಗಳ ಸುದ್ದಿ ಪ್ರಕಟಣೆ ಮತ್ತು ಜಾಹೀರಾತಿಗಾಗಿ ಸಂಪರ್ಕಿಸಿ: 9901319694

ಇಮೇಲ್: sahakaraspandana@gmail.com