ಮೈಸೂರು ದಸರಾ ಕಾವ್ಯ ಶಿಲ್ಪಕಲಾ ಶಿಬಿರಕ್ಕೆ ಶಿಲ್ಪಿಯಾಗಿ ಆಯ್ಕೆಯಾದ ಸಮಿತ್ರ ಸ್ಪಂದನ ಸ್ವಸಹಾಯ ಗುಂಪಿನ ಅಧ್ಯಕ್ಷರಾದ ಶ್ರೀ ಶಶಿಧರ ಇವರಿಗೆ ಅಭಿನಂದನೆಗಳು.

ಮೈಸೂರು ದಸರಾ ಮಹೋತ್ಸವ-2023ರ ಅಂಗವಾಗಿ ಕರ್ನಾಟಕ ಶಿಲ್ಪಕಲಾ ಅಕಾಡೆಮಿ, ಬೆಂಗಳೂರು ಮತ್ತು ದಸರಾ ಲಲಿತಕಲೆ ಮತ್ತು ಕರಕುಶಲ ಉಪ ಸಮಿತಿ ಸಹಯೋಗದೊಂದಿಗೆ ಮೈಸೂರು ಕಲಾ ಮಂದಿರದ ಆವರಣದಲ್ಲಿ ಅ.14 ರಿಂದ ನಡೆಯುವ ಸಾಂಪ್ರದಾಯಿಕ ಕಾವ್ಯ ಶಿಲ್ಪಕಲಾ ಶಿಬಿರಕ್ಕೆ ಭಾಗವಹಿಸಲು ಶಿಲ್ಪಿಗಳಾಗಿ ಆಯ್ಕೆಯಾಗಿರುವ ಸಮಿತ್ರ ಸ್ಪಂದನ ಸ್ವಸಹಾಯ ಗುಂಪಿನ ಅಧ್ಯಕ್ಷರಾದ ಶ್ರೀ ಶಶಿಧರ ಆಚಾರ್ಯ ಇವರಿಗೆ ಸ್ಪಂದನ ಸಂಸ್ಥೆಯ ಪರವಾಗಿ ಹೃತ್ಪೂರ್ವಕ ಅಭಿನಂದನೆಗಳು. ದಸರಾ ಮಹೋತ್ಸವ-2023ರ ಅಂಗವಾಗಿ ಕರ್ನಾಟಕ ಶಿಲ್ಪಕಲಾ ಅಕಾಡೆಮಿ, ಬೆಂಗಳೂರು ಮತ್ತು ದಸರಾ ಲಲಿತಕಲೆ ಮತ್ತು ಕರಕುಶಲ ಉಪಸಮಿತಿ 2023 ಸಹಯೋಗದೊಂದಿಗೆ ಸಾಂಪ್ರದಾಯಿಕ ಕಾವ್ಯ ಶಿಲ್ಪಕಲಾ ಶಿಬಿರವನ್ನು ದಿನಾಂಕ:14-10-20023 ರಿಂದ 15-10-2023ರವರೆಗೆ ಕಲಾಮಂದಿರ ಆವರಣ, ಮೈಸೂರು ಇಲ್ಲಿ ಏರ್ಪಡಿಸಲಾಗಿದೆ. ಈ ಶಿಬಿರಕ್ಕೆ ಅಕಾಡೆಮಿಯು ಶ್ರೀ ಶಶಿಧರ ಆಚಾರ್ಯ ರನ್ನು ಶಿಲ್ಪಿಗಳಾಗಿ ಆಯ್ಕೆ ಮಾಡಿದ್ದು, ಶಿಬಿರದಲ್ಲಿ ಭಾಗವಹಿಸಿ ಸೃಜನಶೀಲ ಶಿಲ್ಪಗಳನ್ನು ರಚಿಸಿಕೊಡಲು ಕೋರಿದೆ. ಈ ಸಂದರ್ಭದಲ್ಲಿ ಸ್ಥಳೀಯ ವಸತಿ ಮತ್ತು ಇನ್ನಿತರ ವ್ಯವಸ್ಥೆಯ ಅನುಕೂಲತೆಯನ್ನು ದಸರಾ ಲಲಿತಕಲೆ ಮತ್ತು ಕರಕುಶಲ ಉಪಸಮಿತಿ ವತಿಯಿಂದ ಏರ್ಪಡಿಸಲಾಗಿದೆ ಎಂದು ತಿಳಿಸಲಾಗಿದೆ.